تخيلوا لو ان البنت تخطب الولد

موضوع عجبني وحبيت تقراوه

مجرد قصة للضحك

تخيلوا البنات يخطبون الاولاد ... لا يفوتكم

اليكم الموضوع :

يعني تتفاجأ في يوم وانت قاعد تقرا كتاب رومانسي وأنواع الأحلام الورديه (يااي) و سرحان في فارسة احلامك .
الا و امك داخلة عليك و توها جاية من الاستراحة و تقولك : يا ولدي ودي اكلمك في موضوع . .

ترد انت بكل خوف : خير يمه ؟ ....

تقول امك : ترى جارتنا ام خالد تبي تخطبك لبنتها . وانت ماشالله كبرت و احلويت وكلن يبيك . ها وش رايك ؟ ....

ثم تنزل انت راسك في الارض و تلعب باصبعك في شعرك (او شنبك) و ترد و انت

مستحي و خدودك حمرة (هذا اذا كنت محلق اللحية)


و تقول : ....
الراي رايك و الشور شورك يايمه ..

تقول امك : انا بصراحة ما اشوف في البنت شي . .

ماشالله عليها محترمة و وظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ماتدخن و لا تروح لاستراحات البنات . يعني بنت ما عليها . .

تقول انت : بس يا يمه هي ما شافتني من اول . انا دايما متلطم بشماغي

تقول امك : هي شافتك و انت نازل من باص المدرسة ( الله واكبر يالروز رايز ) ...

بس .. و سألت عنك و قالو لها ولد ناس ماهوب راعي سوق و كوفي شوب و ما يطلع الا مع ابوه .

و تراها هي و امها جايين يوم الخميس علشان يشوفونك ..

تسال انت : طيب يا يمه ابوي وش رايه ؟

تقول امك : ابوك ما يدري خليه حايس في المطبخ الله يعينه ..

تقول انت : اللي تشوفينه يمه . . وتطلع امك من الغرفة

وتنط انت قدام المراية و تاخذ نص لفة يمين و نص لفة شمال تشوف جسمك و تمشط شعرك و شنبك بدلع (ياعمري)

و تقول : اه اخيرا حسَت و خطبتني .

و قبل يوم الخميس تروح انت لكوافير رجالي و تكون مسوي حجز و تقعد و تصبغ شعرك (هاي لايت) و تزين حواجبك .

وتجي البيت و تلبس الثوب اللي فصلته عند المصمم ( اسعد قلي ) لثياب الاعراس و الحفلات و ذاك المكياج وذاك العطر اللي يشق الخشم و تنزل للصالة

ويقولك ابوك : يالله دخل العصير على خطيبتك ترى امك ذبحتنا تسال عنك

تقول انت بكل خجل : واي واي يا يبه انا استحي:


ابوك يقولك وهو يطق على كتفك و يضحك يا ولد روح لعروسك إهئ إهئ

تقول انت : يا يبه دايما تحرجني انت واي واي

و تاخذ صينية العصير و تدخل المجلس اللي فيه البنت بكل نعومه ورقه ودلع وأدب

و تقول بصوت ناعم : احم احم الس سسسلام عليكم ( صاير حكيم على غفلة )

ترد هي بعد ما وقفت و عليكم السلام ( و هي تناظر فيك و في كل قطعة فيك) ...

و تقولها تفضلي ....

تقول هي : وش الاحلى العصير الاحمر و لا الاصفر ؟ بزعمها تبي تلطف الجو معك ... تتلصق .

تقول انت : كله حلو

تقول هي : اكيد كله حلو لانك انت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
ياربييييييييييييييه ((لا يتقطع ياااااااي)))

الا اخوانك يستنونك و يقولون : هاه وشلون شكلها


تقول انت : واي واي تهبل تهبل مره حلوة و دمها خفيف و ذوق

الا ابوك من المطبخ يلولش (يزغرط بالمصري)

لللللللوووولللللوووووشششششششش مبروك يا ولدي

الا بدخلت اختك العربجية من برا و حاطه عبايتها على كتفها و تقول : خير وش فيه !!

يقوله ابوك : قصري صوتك في وحده داخل خطبت اخوك ..

تقول اختك : وهي وين شافت اخوي علشان تخطبه هاه ؟؟؟؟
و تعطيك كف و تصرخ والله لوريها اهي شكلها اللي جايه تخطب اخوي شباب آخر زمن
والله وصرتم يالبنات تقولونها

الا بدخلت امك و تسطر اختك كف ((اوف قويه )))و تطلع اختك بالسيارة و تفحط و تروح لاستراحة البنات .. (((تخيلوا عاد)))

و تمر الايام و انت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول انها تمسك ايدك و انت مستحي

و يجي يوم العرس و تقعد انت في الكوشة و كل الشباب حوالينك يرقصون و يغنون على انغام طيران(((هلا هلا عاااشو الى يرقصون ))) فرقة ( الزراديه ) للرجال و طبعا مافيه صيته او العنود وسارة

وشوي الا العفسة قايمة : ترى العروس جايه((( ياهلا هلا))

و ينطون الرجال و الشباب كلن يلبس شماغه و يتلطم ..

و تدخل العروس مع امها و خواتها (خواتها يتيميلحون قدام الشباب ) و تقعد العروس جنبك و ترفع الطرحة
(طرحة البسام بصمة تسعه) و تقولك : الله صاير مثل القمر

ثم تلف وجهك وانت مستحي

وبعد شهور وبعد ما يجيك عيال

و ترجع لبيتك تربي عيالك و تطبخ الغدا لزوجتك

وتتخانقون ساعات و تنام و دمعتك على شنبك

ويزيد حدة الخلاف و تاخذ شماغك و عيالك و تروح لبيت اهلك

و تصلح امك ما بينكم و ترجع الحياة مثل اول

اولا:يسعدنـي اني اكون اول من رد على موضوعـك



2: موضووعكـ موووت



3: أشون ادبره لـ ألرجال ولا لو الدبره لـ الحريم كان الدنيـا من قلبه فوق تحت

ههههههههههههههههه

مشكوررررره ياقلبي على الرد

تسلمين عمري ماقصرتي يسلممو

مشكوووره ياقلبي على الرد

الموضوع مو مضبط
احس انه هو حق بنت بس
انتي بدلتي بعض الكلمات
مشكوره اختي على الاقتراح
بصراحه :nnn:

:لاىا:

يعطيكم الف الف عافيه على الردود ياعسولات

يـ,,,ـلمو ع المواضيع الرآئعة

مشكووره ياعسل على ردك الرائع

هههههههههههه
بجد مواضيع ممتازة
الله يوفقك يا رب

مشكوره ياعسل على المرور الجميل

ههههههههههههههههههههههههههههههههههه والله يموت من الضحك بس رح يكون شكلهم وعععععععععععععععع