كيف اعيش مرتاح البال

بسم الله الرحمن الرحيم

السلام عليكم ورحمة الله وبركاته



قرار اتخذته عشان أعيش حياة جديدة ... وأعيش مرتاح البال

جاء هذا القرار ... من كثر المواقف اللي صارت لي مع البشر وشفتها بعيني ..

وقرأت عنها الكثير ... وانصدمت فيها .. بكل صراحة ..

وتجرعت المر منها ... وكم صبرنا بس خلاص للصبر حدود ولكل شيء نهاية ..

ولأن الضربة اللي ماتقتلك تصحيك .. جاء قراري الاستباقي ..

أخواني وأخواتي

لقيت اللي يقول الصراحة ويكشف الحقائق منبوذ وغير محبوب ..

ودائماً تجي في وجهه .. ويقال عنه ..

ليس لديه وطنية ..

او يتدخل في الخصوصية ...

ومايراعي مايسمى بالحرية ...

وعاد أنا بكيفي .... مايقولون الانسان له الحرية يسوي اللي يبي

*** قررت إني ماعاد أنصح أحد ...

لو أشوف الخطأ منه 100% ...

*** وأي مشاكل تتعلق بمصلحة الناس

ومعاناتهم مع المستشفيات والجامعات والوزارات والدوائر سواءً الحكومية أوالخاصة

ماراح أتدخل فيها ولا أكتب عنها شيء .. طالما أنا بعيد عن الموقف

ايش لي بوجع الرأس ... خلك في عشك ماأحد ينشك ...

*** وبعد فيه قرار ثاني .. بأصير أكبر منافق لمديري بالشغل .. وأثني عليه

وأسوي منه شيء كبير .. عشان أحصل على راتبي وترقياتي ..

ودائماً تمشي أموري بدون مشاكل ..

طالما شبعان .. وجيبي مليان ...

سأطبق المثل أنا ومن بعدي الطوفان

*** وبأخون أصدقائي وكل اللي أعرفهم ..

واتلاعب بمشاعرهم وماعاد أراعي أحاسيسهم ..

لأني متأكد في غيرهم كثير ..

لاأحد يلومني ليش يعني اللي صار لي منهم شوية ..

*** واللي سوى فيني جميل .. بأتنكر له ...

من وين أرد له الجميل .. أنا فاضي لخلق الله ...

*** وأي شخص يحتاج مساعدة ماراح أساعده .. حتى لو أقدر عليها ...

بني آدم كثير غيري ... اللي يقدرون يساعدونه ... الطيبة ماعاد تنفع ..

حتى لوسويت معروف تأكلها على رأسك .. ويقولون نيتك شينة ..

*** وإذا لقيت ظاهرة سيئة في المجتمع يسويها الشباب والبنات

بأغض الطرف عنها ... اشبي أنا وكيل آدم على ذريته ...


لكن فيه عقبة كبيرة ... لازم أتخطاها .. عشان أنفذ خطتي الجديدة ...

كيف أبعد عن مراقبة الله .. لي !!! ؟؟

وكيف اتجنب محاسبتي لنفسي ...

ولازم يكون ضميري واحساسي ميت تماماً ...

وأفقد غيرتي على كل شيء ....

يعني أتحول من صورتي الانسانية لمسخ بشري ..

لاأعرف معروفاً ولا أنكر منكراً ..... ولا أهتم بمصالح المسلمين ..



ماادرري أخواني وأخواتي ...

اشرايكم بكلامي ... معي حق في قراري الجديد ولا لا ؟؟؟

وإذا كنت غلطان اقنعوني ...

لديكم مساحة حرة للنقاش سجلوا فيها ماشئتم ...


وفقكم الله لكل خير ... وحماكم من كل شر .....







__________________

____________

ما بعرف بس يسلمو على المضوع يا قمر