هذه قصه واقعيه واشخاصها واقعين ولكن ليس كل الشخصيات فتعالوا معي نبحر في احداثها ونغرق بنسيج خيالها وادع قلمي يكتب واطلق العنان لفكري ليبحر الى العالم الاخر بدت احداث القصه لاسرتين تشقا طريقهما في رحله لمنطقه من مناطق المملكه العربيه السعوديه وهذه العائله تتكون من الاب والام وابنتين بعمر الزهور
الاب : عبدالرحمن ..وهو كريم جدا
الام : فاتن
الابنه الكبرى : جنان وعمرها 22
والاخرى :حنان وعمرها 16
كانت هذه العائله مترابطه وتهنئ بالحب الذي يجمع بين كل فرد في هذه الاسره..
العائله الثانيه وهي ايضا عائله بسيطه تتكون من ..
الاب :سعد وهو شخصيه لاتطاق وبخيل لدرجه
الام : هيا
الابنه : هبه وعمرها 20
فقد شقت العائلتين رحلتهما وعندما اشرفا على المدينه وصلا بوقت متاخر الساعه 1 صباحا بداوا يجولون بشوارعها كالاغراب يبحثون لهم عن سكن ياويهم بهذا الوقت.. اقترب سعد بسيارته من عبد الرحمن وقف يخاطبه..
سعد :هاه ياولد عمي وش نسوي هالحين؟
عبد الرحمن : كله منك انت السبب لو ماسكين الخط زين كان حنا وصلنا هنا بدري بس وش اقول
سعد : طيب وش فيك انت هالحين
عبد الرحمن : وش اللي وش فيني هالحين وين بنلاقي لنا مكان نجلس فيه .. هاه مثل منت شايف شوارع فاضيه والمحلات كلها مقفله والعالم نامت
سعد :خلاص ولايهمك خل كل شي علي انا بتصرف
وحرك سيارته وعبد الرحمن يمشي وراه وانطلقا يجولون مره اخرى .. سعد كان يبحث بناظريه يمين وشمال فجاه راى رجل .. اقترب منه بسيارته وتوقف يساله عن شقق مفروشه للايجار وبدا الرجل يوصف المكان ولخلاء مسؤوليته قال هذا سعرها رخيص مره
سعد فرح كثير ابتسم :هذا المطلوب
الرجل : ولكن ماسالتني ليه
سعد : لم يهتم اسالك ليه في حد يشوف الزين ويسال ليه انت زين هههههه
الرجل : بس
سعد : قاطعه ياخوي مشكور..
وانطلق بسيارته وانطلق عبد الرحمن اللي كان بعيد ويناظر اللي حصل انطلق وراه .. وصلا الى الشقق المقصوده.. نزل عبد الرحمن من سيارته متجه الى فندق فخم وراقي .. ونزل سعد من سيارته مسرعا وصرخ
سعد: هي هي ياخي وين بتروح
عبد الرحمن : منت شايف ابدخل
سعد : لا الله يهديك مو هذا الفندق حنا جينا عشان الشقق اللي بجنب الفندق
عبداللرحمن ناظر شكلها من بره وحسها متواضعه وبعد مبناها قديم.. سعد جر عبد الرحمن وخشوا مبنى الشقق عشان يتفقوا مع صاحبها ع العقد بعد دقايق رجعوا بره بشارع.. سعد حس ان عبد الرحمن يفكر
سعد : ايش فيك ؟
عبد الرحمن : انت ماشفت كيف مبناها صراحه ماعجبني الوضع احس المكان وسخ
سعد :لا وسخ ولا شي يتهئ لك وبعدين العقد عجبني مره
عبد الرحمن : من جدك انت تبينا نترك هالفندق ونسكن في ذا
سعد : وش نبي بالفندق
عبد الرحمن :اذا على الفلوس لاتشيل هم خل كل شي علي بس مانسكن هنا
سعد انبسط كثير بس من باب المجامله :افا بس ماهقيتها منك بس تبينا نترك هالمكان الزين ونسكن بفندق وش نبي بالفخفخه
عبد الرحمن : بس انا بناتي دلع ماراح يروق لهم الوضع
سعد : يابن الحلال وش نبي بالفندق ياحبك للخساير شوف الليله ننام في ذا وبكره ننام في المكان اللي تبيه عبد الرحمن انا هلكان وابي ارتاح
عبد الرحمن رحم ولد عمه ورضى بهالحل المؤقت نزلوا العائلتين ومعهم اقراضهم خشوا المبنى
سعد : ترا مافي مصعد
جنان : ياااي وش ذا انا اصعد الدرج لدور الرابع
فاتن :بعد وش نسوي امرنا لله
اوصلوا لدور الرابع..
حنان : اه يارجولي تعبت
البعض دخل الشقه
هبه تفك الطرحه وهي ع الدرج لسه توصل: ااه تعبت
جنان واقفه متسمره عند الباب
هبه : وش فيك ادخلي
جنان : مو شايفه اللي اشوفه كيف تبيني ادخل
هبه ادخلت الشقه وبدت تناظر انحاء المكان.. الصاله وسخه الستاير مغبره ومافي الا كنبه وحده يجلس عليها شخص واحد ومافي الا تلفزيون قديم وحتى مافي اسيفر ..راحت الغرفه شافت فيها ثلاث اسرره حديد ووسخه شوي لكن تنبلع افضل من الصاله والمفارش اللي عليها قديمه وفي واحد قطنه طالع بره ومافي اغطيه .. راحت الغرفه الثانيه مرتبه وفيها سرير كبير لشخصين واكثر وطلت بدورة المياه صغيره مره والارض سمنت وحتى مافي بلاط .. وراحت الغرفه الثالثه سرير واحد بس حطت يدها ع الطاوله تلمس باصبعها امتلا اصبعها غبار
حنان: جاءت من وراها هذي شكل ماحد دخلها من سنين
هبه: حرام احس بكلامك مبالغة
حنان: عقدت حواجبها ..لييه؟
هبه: لان سنين احس ظلم..وتنفض الغبار اللي بيدها..قولي اكثر من سنين....فجأة سمعوا صوت جنان وباين انها معصبة
جنان: والله تبوني انا اسكن هنا
عبدالرحمن: معليش يابنتي عدي هاليلة على خير وبكرة خذيها مني بنطلع على طول
جنان: لاااا مستحيل ما اقدر انت ماشفت المطبخ كيف صاير وسخ مررررة يعع وحتى فيه اشياء مقرفة بالارض( مخلفات حمام..وانتو بكرامة)
فاتن: صحيح مو جايز لها الوضع ابدا بس ماتبي تعارض لانها متفهمه الوضع وخصوصا بها لوقت المتاخر
جنان:بعصبية..اااف لوادري ان السالفة كذا كان مانزلت من السيارة من اساس
سعد:ابعدها عن الباب بيسكره
جنان:دفت يده بعصبية وهي تقول بنفسها..كله منك يابخيل
سعد:يلااا روحي نامي بالغرفة
جنان:تكفى الحين بطير انام اصلا ماني متحركه من مكاني الين الصبح ونطلع بأسرع وقت من هنا
فاتن: بنبرة حادة شوي كأنها تحذر لاترفعي صوتك على عمك,,جنــان
جنان:افهمتها،،طيب بنطم هاااه،،حطت يدها على فمها وجلست على الكنبه الوحيده الموجوده بالصاله
عبد الرحمن وفاتن راحوا يناموا بالغرفه اللي فيها سرير كبير,,اما هيا وبنتها راحوا الغرفه اللي فيها ثلاث اسرره..سعد راح الغرفه اللي فيها سرير واحد..
حنان: قربت من جنان وجلست ع طرف الكنبه ع يمين جنان ههههه شفتي عمي وين دخل
جنان: بعيونها دموع مو جايز لها الوضع ابدا وبصوت خفيف .. ايه شفت
حنان :غرفه خايسه حتى بابها الخشب مايسكر وحتى صوته يخرع اذا تحرك
جنان : مو بس صوته انا احس المكان كله يخوف يميه
بالـــغــرفـة,,,,,,,,,,,,
كان سعد جالس ع سرير وبيده قاروره مويه بارد مثلج شوي شرب شوي وبقى شوي رشه على الارض ورمى القاروره بالارض المغبره ورمى جسمه على السرير وبدا يسترخي
حنان :تبي تجلس زين ومن دون قصد زحف الكنب
جنان : وجع ياحماره كان الحين انقلبت
اكمل
حنان : ههههههههههه والله ماقصد بس وسكتت طاحت عينها على الارض وبخوف جنان شوفي شوفي
جنان :فزت من ع الكنبه ع طول,, هاااااه وش اشوف
حنان : ههههههههههه معك الكاميرا الخفيه
جنان : لسه علامة الرعب بوجهها ناظرت اختها وودها تقتلها بجد ... ياحماره ياحقيره تحسبيني رايقه لك وبدت تكفخها
حنان :بس تضحك وميته ضحك
جنان : اجلست ع الكنبه مره ثانيه وهي معصبه .. حيوانه لاتكلميني ترى بجد مو رايقه
حنان :هههههه ااااه يادبه كسرتي عظامي
جنان : تناظرها بغضب تستهبلي
حنان : طيب قومي ننام انا تعبت
جنان : من جدك انتي تبيني انام بهالقرف انا عبايتي مابي افسخها اخاف اتوسخ يااااي من جد قرف
حنان : انا بتغطى بالعبايه وبنام لان الاغطيه جد تلوع الكبد
جنان : حست بشوية خوف.. تنامي وتتركيني هنا لوحدي
حنان :خلاص يااحلى اخت بالدنيا ابنام هنا بجنبك ( وبما ان الاختين نحاف صارت الكنبه على قدهم بس مافي مجال للحركه ابدا )
الســــــ 4:00 ــــــــــاعه،،،صباحا،،،،
سعد كان نايم فجاه حس ان في شي يتحرك حس حد يمشي على طول التفت ماشاف حد
بالصاله
حنان راحت بسابع نومه عكس جنان ماقدرت تغمض عينها كانت تقاوم النوم فجاه طاحت عينها على باب غرفة سعد شافت شي واقف ويناظرها على طول صرخت ..ااااااااه
حنان :انقزت واقفه على رجولها من الصرخه .. ايش فيه
الكل صحى ماعدا هيا استحاله تصحى نومها ثقيل.. الكل جا الصاله.. وش صار
جنان :مرعوبه بسه سوده بسه هنا بالشقه والله بسه
سعد : خير ياطير بسه صرعتينا على الفاضي.. وخش ينام مره ثانيه
فاتن : تثاوب
عبد الرحمن : ضم بنته بسم الله عليك وينها البسه الله يهديك من وين راح تجي والباب مسكر وحتى النوافذ
جنان : تبكي والله كانت هنا وراحت تركض المطبخ
عبد الرحمن :يبي يقنعها بعد عنها ومسك يدها .. طيب تعالي معي نشوف اذا فيه ولا لا
جنان : تمسح دموعها ..لامابي روح لوحدك اخاف
عبد الرحمن : راح المطبخ وشغل النور ناظر بكل انحائه بس ماشاف شي ..رجع لصاله وهو يردد اعوذ بالله من الشيطان الرجيم..
فاتن : ايش فيك
عبد الرحمن :بهمس.. المطبخ مافيه شي
فاتن : بخوف..كييييف
عبد الرحمن : ناظرها يعني اسكتي لاتخوفي البنات
هم مايسمعوا لانهم كانوا بعيدين شوي
حنان : برعب ..هاااه يابابا شفتها
عبد الرحمن : التفت عليهم شاف حنان لصقه بهبه وباين الخوف على ملامحهم بس جنان خايفه بقوه وبعيده عنهم ... ابتسم عشان يطمنهم .. ايه شفتها بس شافتني تخبت بنمليت المطبخ وما تخوف كلها بسه
جنان: ارجعت تجلس على الكنبه وهي تحدق بعيون ابوها اعرفت انه هو يكذب قلبها قال لها كذا
عبد الرحمن : حس من نظرة بنته له ان هي مو مصدقه وهالكذبه تمشي على حنان وهبه لكن هي لا لانها ذكيه وتفهم على الطاير.. يلا حبايبي ارجعوا ناموا
هبه : طيب انت تامر ياعمي
عبد الرحمن :الله يحفظك ويسعدك
جنان : بابا انا خايفه
عبد الرحمن : بكل حنان قرب منها اخذ بيدها .. قومي نامي عندي
حنان : وانا
عبد الرحمن :ابتسم .. اكيد حتى انتي مانقدر عليك
حنان : ههههههه وراحوا مع ابوهم لغرفته
ورجع السكوت يعم ارجاء الغرفه الظلمه وتناظر امها لسه نايمه وماتدري بشي حتى هي غمضت عيونها وبدت تحاول تنام وحست ان جسمها بدا يسترخي وتو بتدخل بعالم الاحلام الا حست باحساس مرعب افتحت عيونها بقوه بظلمه حست ان حد يسحب الغطا من عند اخر السرير عند اقدامها وهي من شدة خوفها تمسك الغطا بيديها الثنتين وترجع تغطي وجهها وقلبها يدق بقوووووووووة
هبه : يميه ياترا مييين ..امي نايمه وانا من بعد مارجعت من برا سكرت الباب وماحد دخل بعدي ومافي بالغرفه الا انا وامي..ياترى مين.. وشوي الا رجع الغطا ينسحب بشويش هبه امسكته بقووه يمه يمه وبدت تبكي وتقرا قران بس صوتها مو راضي يطلع من شدة خوفها
الســـــــ 5:30ـــــــــاعه صباحــا
عبد الرحمن قام توضا وفرش السجاده مستقبل القبله بمكان نظيف ووقف ع السجاده كبر وبدا يصلي وطبعا الغرفه ظلمه بس الباب مفتوح ومنبعث منه نور خفيف، هو يصلي بعد الرفع من السجده الاخيره حس بظل حد انرسم شكله بالارض لونه اسود بس بشكل انسان وعملاق مررره
عبد الرحمن : حس بحراره وكمل صلاته وصار اكثر خشوع قال التشهد الاول ويحس فيه انه مازال وراه وعلى يساره وسلم ع يمينه ورجع سلم على يساره انهى صلاته ،وهو يذكر ربه وفيه شوية خوف التفت وراه وماشاف حد.. وبدا يزيد من ذكر الله الذي لايفارق لسانه
الســـــــــ 7:00ـــــــــــاعة صباحا
صحى سعد وهو يحس بخمول وتعب وفوق كذا الجوع ضرب فيوزاته ، رجع يغمض عيونه وبدا يسمع اصوات ناس كثيره بره الغرفه ناس كثيره يتكلمون واصغى السمع بس مافهم اي كلمه من اللي يسمعه قام من على السرير اتجه ناحية الباب الخشبي دفه وكان له صوت مزعج (ززززززززززز) وهنا الصاقعه وقف مذهول ومطير عيونه بالصاله اللي مافيها نفس انسان وهدوء صامت جمد بمكانه.. وينهم هالناس اللي يتكلمون،، بدا يعتريه الخوف اتجه ناحية باب الشقه يبي يطلع مسك مقبض الباب بيفتح مانفتح حاول من جديد يفتح بس مانفتح
سعد :شسالفه وش صاير ليكون حد جا وقفل الباب علينا من بره.. حاول من جديد يفتحه بقوه بس للاسف ورجع يحاول من جديد الا سمع صوت زوجته وبنته وعبد الرحمن وزوجته وبنته جالسين يسولفون وتجه ناحية صوتهم
بـالــــغرفه الـــــثانيه،،،،،،،،،،،،،،،،
كانت نايمه على السرير الكبير اميره بالجمال حسنها طاغي وكل شي فيها حلو من راسها لساسها باختصار شكلها على اسمها جنان نامت من بعد ماقاومت النوم و من بعد مشوار طويل اقطعته بالسياره تو تحس براحه ولان في حد حواليها تعمقت بالنوم رغم الخوف اللي كانت تحس فيه وكانت نايمه على جنبها اليمين شوي بدت تحس ان ابوها حط يده على رقبتها باصبعه بطريقه رومانسيه يحرك يده على رقبتها مره لتحت الين يوصل عند كتفها ويرجع يطلع فوق ع طول فتحت عيونها ووقفت الحركه قلبها يدق ويدق وانفاسها سريعه...معقوله بابا يكون كذا لالالا.. التفتت على ورا انرسمت علامة تعجب بوجهها؟ الغرفه فاضيه تماما
جنان :اعوذ بالله من الشيطان الرجيم ابعدت الغطا عن جسمها وفزت بسرعه من على السرير
بالغـــــــــرفه الثانيه،،،،،،،،،،،
سعد : والله جعلي اموت اني اول ماصحيت سمعت اصوات ناس كثيره تسولف وبس طلعت ماشفت حد
هبه :لاصدق يامي ابوي مايكذب انا بعد حسيت ان في حد جالس عند رجولي ويسحب عني الغطا
حنان :يميييه قوموا قوموا نطلع
عبد الرحمن :الله يهديكم بس
هيا : كل هالكلام ماخش دماغي ابدا مو مصدقه
جنان : ادخلت ودموع بعيونها جات تركض وجلست بجنب ابوها وحطت راسها على صدره
عبد الرحمن : هلا والله بالقمر
جنان : بصوت مرتجف من الخوف.. ليه تركتوني لوحدي
عبد الرحمن :ههههه يابنتي انتي كبيره وش فيها اذا نمتي لوحدك
جنان تنزل دموعها.. لا فيها.. وبداخلها فيها وفيها لانك ماتدري وش حصل
عبد الرحمن : خلاص ياروح بابا محنا بتاركينك لوحدك مره ثانيه
جنان : ليه فيه ثانيه بعد قوموا نطلع بس
الكل يلا مشينا توجهوا لباب الشقه وهنا الصدمه انو الباب مايفتح
جنان : شلون مايفتح
هيا : يعني بنجلس هنا بهالقرف
فاتن : يمكن حد قفله من بره
عبد الرحمن :انتي ناسيه ان المفتاح معنا وبعد موجود بالباب كيف يجي واحد من بره ويقفله
حنان : اجل وش القصه!!!!!
سعد : انا اللي بفتحه ورفس الباب برجله بس هالباب الخشبي القديم بهالحظه صار مثل الحديد وعجزوا هو وعبد الرحمن يفتحوه لا بالقوه ولا بالطيب
هبه : يعني كيف بنجلس محبوسين هنا
جنان : كيف بنطلع
عبد الرحمن : لحظه لحظه ناظر جواله انا جوالي قفل ومافيه شحن
حنان : راحت تدور جوالها
سعد : جواله فيها ثلاث شرطات بس يخاف يخسر لذلك سكت
فاتن : طيب هنا مافيه تلفون
هيا :تلتفت يمين وشمال.. والله ماظن بهالمكان في شي اسمه تلفون المفروض يكون بيجر
هبه:ههههههه
فاتن : تنكتين بعد وحنا في مثل هذا الظرف
هيا : اوه اسفه بس انا اقول وجهة نظري
فاتن :لاياشيخه .. وصدت بشوية نرفزه وهي تفكر كيف بتطلع من هنا
جنان :بعالم ثاني معهم وكانها مو معهم تفكر باللي حصل لها ياربي مو معقوله اللي حصل استحاله انا ماني مصدقه جد يده كانها يد بابا حتى بعرضها وبملمس بشرته يالله انا جد حسبته بابا بدت تحس بالخوف..بس طريقته بلمسي مو عاديه من حركته احس فيه شي.. يالله وش يصير هنا..اعوذ بكلمات الله التامه من شر ماخلق وبدت تذكر الاذكار والمعوذات
حنان : يبه مالقيت جوالي شكله ضاع
سعد :اخيرا بدا يحس بتأزم الوضع طلع جواله من جيبه .. انا جوالي فيه شحن بس
عبد الرحمن :اااف منك حتى بهالوضع تفكر بالافلوس
سعد : ايه الفلوس هي روحي
هبه : تناظر بامها ورجعت تناظر ابوها حدها متفشله من هالابو البخيل وبعد مايستحي
عبد الرحمن : طيب عطني ادق بسرعه
سعد : ايه هاك لا لا اقولك خذ جوالي بس شيل الشريحه وركب شريحتك بجهازي بعدها كلم>>>تصدقون جد ودي افقع وجهه قاهرني ههههه
عبد الرحمن : اااف،، ان شالله مالك الا اللي يرضيك
سعد : انبسط انه ماراح يخسر حاجه... الله يسلمك
عبد الرحمن : بدل الشريحه وصار فيه شرطه وحده هنا جد حقد على ولد عمه بس مو وقت هواش او حتى كلام على طول قرب السماعه من اذنه وبدا يرن ثواني الا وصله صوت وبدا يشرح له القصه
الرجل تفهم الموضوع وقال انه جاي بطريق المساعده
عبد الرحمن : قفل وهو شبه مرتاح انه راح يطلع من هنا اما الكل فرح انهم ماراح يطولوا هنا بدت الضحكات واصوات الفرح تعلا وتعلا وضجيج ومن الفرحه فجاه سمعوا صوت غريب يضحك
.......؟. :هههههههههههههههههههههه
الكل فتح عيونه بقوه وسكت لكن قلوبهم مازالت تخفق بقو،،ه فجاه هيا لمحت شي اسود وبسرعه اختفى .. خافت وبدت تذكر الله بقلبها فجاه جا كائن غريب انسان له راسين وبلا عيون بس شكله مخيف الكل راح يركض ناحية الغرة بس سعد ماقدر يتحرك حس انه مقيد واقف وفاتح عيونه على الاخر وفي حالة ذهول الكائن ماكان يمشي صحيح ان له رجلين بس كان يطير يمشي بالهوا ناحية سعد وبخطوات سريعه وباين انه معصب سعد حس خلاص انه راح يموت
سعد: تعالي
هيا: تأشر عليه شوفوه هذا هو واقف يحتريني اههي اهييي اتركوني
هبه: تبكي ومو راضية تفك يد امها
فاتن: بدت تتلو اية الكرسي
سعد: بس سمع اعوذ بالله فر من مكانة
هيا: شافته صرخ وكأنه معصب وطلع بسرعة وكأنه يطير صدم بالباب واختفى،،طاحت على رجولها من الذهول وهي تكرر ..طلع والباب مسكر كيف طلع كيف والباب مسكر
فاتن: تقومها من الارض
هيا: تناظرها ..اقولك طلع والباب مسكر
فاتن: طيب طيب تعوذي من الشيطان تراه يلعب بعقلك
هيا: كأنها مجنونة ،،بس انا شفته هذا زوجي وشفته وينادي علي بعد
فاتن: ان الله وان اليه راجعون
بـــــــــــــره الغرفـــــه،،،،،،،،،،،
عبدالرحمن: لسه بأثر الصدمة ،،ليه مانفتح قبل شوي ،،مين المسؤول عن هذا كله وش السالفة ابي افهم،،بدت البسمة تنرسم على شفايفه خلا الباب مفتوح ورجع يركض لاهله ،،قوموا قوموا بسرعة الباب انفتح قوموا
جنان: يااااي بنطلع
هبه: يلا
حنان:هاااه اخيــرا
فاتن: تجر اختها اللي ولا كنها بالوجود صارت جثة جالسه جرتها وجا عبدالرحمن يساعدها اما جنان والباقي تقدموا ركض لبره ووقفوا بالصالة
هيا: متركيه على فاتن والجهة الثانية عبدالرحمن وهي بوسطهم وحالتها صعبة
عبدالرحمن: اش فيكم .ليه ،،ماكمل كلامه اللي شافه بعينه سكته
جنان: يابابا الباب مقفل
عبدالرحمن: انربط لسانه ،،بس
فاتن: وشلون تقول لنا فتحته وهو على حاله ماتغير
عبدالرحمن: انا،،،،،والله ،،،،
هبه: قربت من عند الباب وحاولت تفتحه بس ماقدرت
عبدالرحمن: يناظرها،، ياجماعة والله اني قبل شوي فتحته بس الحين ،،وشلون تقفل ولله قبل دقايق كان مفتوح صدقوني انا فتحته
جنان: انا مصدقتك يابابا اكيد هم اللي
عبدالرحمن: عصب،، بس ليه،،وش السبب حنا عمرنا ماضرينا حد،، جمع قبضة يده وضرب لجدار وحط يده ع خصره زفر زفرة قوية رجع يهدا غمض عيونه،، استغفر الله ،،ناظرهم وش الحل الحين
فاتن: خذت اختها ورجعت الغرفة من جديد بخيبة امل
هبه: راحت تجلس ع الكنبه تحس ان بيصير فيها مثل ماصار مع ابوها صمت رهيب طغا عليها كانها تنتظر الموت
جنان: كانت واقفه ومسنده كتفها ع الجدار وباين انها تفكر
حنان: بدت تستسلم للامر الواقع
الساعـــــ 7 ــــــــة مساء
عبدالرحمن: طلع الجوال من جيبه شاف باقي شرطه وحده والجوال كل شوي يطلع صوت انذار لفراغ البطارية رجع يدق للمرة الاربعين ع هالرجال اللي قال بيجي للمساعدة ولا جا
جنان: بنرفزة تحس انها خلاص افقدت صبرها ،،يبه مادامه مايرد ليه مانكسر الباب ونطلع
عبدالرحمن: المرة واحد واربعين يدق جــــاري الاتصال ،،قربة من اذنه الا فز من مكأنه وصرخ ،،الـــــــــــــووووو يابن ..وينك حنا فوق تعا،، ماسمع شي بعدها شافه طفا مرة وحده وبعصبية صرخ.. يااااااااالله ساعدنا
جنان: وشو ماراح يجي،،
حنان: بنرفزة،، ليه هو لحق يقوله اصلا
جنان: سحبت الجوال من يد ابوها وحاولت تشغله من جديد عل وعسى يشتغل حاولت وحاولت بس ماشتغل وبقمة عصبيتها رمت الجوال ع الجدار وخصوصا لانها مانامت زين بس يدوب غمضت ساعة وبعد مارتاحت فيها يعني اخلاقها قافله ومرهقه وتحس اعصابها اتلفت،، راحت الغرفة وسكرت الباب بعصبية وكان له صوت قوي طااااااا،،طفت النور ووقفت تعدل ربطة شعرها الطويل
؟: كان قريب منها مررة شوي ويضمها،، ومعروف انهم من نار
جنان: حست بحرارة قووووية بس ماتدري وش القصة ،،راحت متوجهه لسرير فتحت الغطأ ودخلت بالفراش غطت رجولها تفريبا نص جسمها بس مازالت جالسه وماسكه الغطأ ومعصبة شوي فجأة شافت شي بالظلمة شي اسود كأنه طلع من الجدار ودخل الغرفة شي على هيئة ظل انسان نحيففف مررررة وطويل يمشي ناحيتها
جنان: منصدمه وتناظر بصمت
؟: تقدم ناحيتها اكثر واكثر
جنان: بس شافته صدم بسرير الخشبي اللي هي جالسه عليه مسكت الغطأ ورمت ظهرها ع ورا وغطت وجهها بسرعة وهي تررتجف من الخوف وع طول دموعها نزلت ع خدها بغزارة وصوتها اختفى تحاول تقرا ايه الكرسي تحاول تطلع صوتها بس ماقدرت كأنه انربط وقلبها يدق بقووة
بررررب؟: صعد ع السرير ونام بجنبها من جهة اليسار
جنان: حست انه ع طول انسدح يعني ماحست برجوله يوم صعد بجنبها كأنه جا من فوق وع طول نام بجنبها يعني حسته يطير وحسته نايم ع بطنه وفوق كذا اللي بغى قلبها يوقف حست بكتفه لصق بكتفها ووجهه بجهتها ومايفصل بينهم الا الغطا الخفيف ودموعها سيلان ع خدها وحرارة قوية شبت بجسمها ووجهها ومن خوفها حست انها بتموت حاولت تطلع صوتها وهي تقرا سورة الكرسي بس ماقدرت ماكان يطلع من صوتها الامجرد كلمات متقطعة وصغيرة فجأة غابت عن الوعي،،
ســـــــــــــ 9 ـــــــــاعة مساء
حنان: خلينا نشغل ال تي في
هبه: تتريق،، تكفين مانبي شور تايم حطي لنا ال اف ام بس هههههههاي
حنان : عن الملاقه
هبه : بذمتك لما تشغلي تلفزيون كحيان مثل هذا بتعتقدين بتلاقين فيه شي
حنان : راحت بجنب ال تي في..لا بس بحاول يمكن القى فيه شي مليت
هبه : تناظرها وهي تشغله وماتشوف الا الوشوشه والصوت المزعج
حنان : بصوت هادي وفيه نبره للجديه والتشائم ..هبه تتوقعي حنا بنطلع من هنا
هبه : تنهدت باسى ونزلت عيونها بحضنها وتلعب باصابع يدها.. ماظن
حنان : تقلب بالقنوات الفاضيه واخيرا شافت قناه للقران الكريم
هبه : هاااه بس بس خليها
حنان : ابتسمت .. اكيد بخليها اصلا مافي شي احسن من هالقناه وهالكلام الطيب
هبه : سندت راسها لورا ع الكنبه وغمضت عيونها بدت تصغي للقران
حنان : جات وجلست بجنبها بس على الارض
هبه : فتحت عيونها شافت جنان تمشي متوجه للمطبخ
حنان : مانتبهت لانها تناظر ال تي في وتقرا القران اللي مكتوب بالشاشه وتسمع بعد
هبه : هاديه مره ..جنان صحت من النوم
حنان : التفتت على هبه تناظرها .. صدق وينها؟
هبه : راحت تركض المطبخ شكلها جوعانه
حنان : ااها .. مادام جنان صحت وصار معك وحده عشان ماتجلسين لحالك انا بروح انام
هبه : اوكي على راحتك انا بجلس اسمع وبنام هنا بعد
حنان : اوكي باي
هبه : ارجعت سندة راسها وتسمع القران
حنان : ادخلت الغرفه اللي فيها جنان بس كانت ظلمه مرررره
هبه : فجاه شافت جنان ماره بالصاله تسرع ع طول نادتها .. جنان جنان
لكن اسفهتها ودخلت الغرفه .. ايش فيها هالغبيه ماترد .. عقدت حواجبها وهي مستغربه وسندت ظهرها وحاولت تنام
الســــــــاعه 1 صباحا،،،،،،،،،
بغرفة حنان كانت ع السرير نايمه وكان فيه مصباح قديم وصغير مررره مشبوك بالكهرباء مثل الفيشه بزر يشتغل ويطلع منه نور ابيض خفيف وبنفس الزر يطفي.. كانت نايمه فتحت عيونها وهي نعسانه مررره وترجع تغمض تحس انها ماتشوف زين فتحت مرره ثانيه شافت الغرفه كلها ظلمه بس الغريب ان المصباح والع وحست ان اللي شغله جالس بجنبه جاها فضول انها تشوف بدت تناظر من المصباح لتحت شوي وشوي واكثر لما وصلت بنظرها للارض وبس شوي وبتشوف هالشخص الا اعتراها خوف وماحبت تشوف خافت اذا شافته والتقت عينها بعينه يجيها لانه قريب من سريرها مررره بس بينهم خطوه الا هو عند راسها واقف تعوذت من ابليس وغطت وجهها ولتفتت للجهه الثانيه ونامت من جديد
بالغـــــــرفه الثانيه،،،،،،،،،،
عبد الرحمن كان نايم وبجنبه فاتن ناموا من الارهاق اللي حاسين فيه شوي الا تحس فاتن بحركه عند السرير طار النوم من عينها
.......؟ : قرب من عند وجهها ورفع الغطا
فاتن :رجعت مسكت الغطا قبل ينرفع مسكته بحركه سريعه وبقوووه
...............؟ : ماستسلم سحبه مرة ثانية
فاتن : انشل لسانها شافت شخص اسود ظل ع هيئة انسان
...........؟ : تعالي معي
فاتن :فتحت عيونها بقوه وهي تشوف فمه يتحرك بس كل شي اسود بس فتحت الفم اللي تتحرك بلعت ريقها والعرق يتصبب من جسمها
.........؟ : تعالي انا زوجك
فاتن : اصرخت .. لا لااا اهي اهيييي .. وتدني ع جنب لما الزقت بعبد الرحمن وصدم كتفها بظهره
..........؟ : قرب اكثر ومسك يدها يحاول يسحبها.. تعالي انا زوجك
فاتن : صرخت .. اااااااااه اتركني اتركني وتضرب يده وتحاول تفكها
.........؟ : تبين تحرقيني هاااا انا اوريك
فاتن : اااااااااااااه
عبد الرحمن : صحى مرعوب والتفت بسرعه مسك زوجته صار صدره لاصق بظهرها ولف وجهها عليه... اش فيك اش فيك
فاتن : لسه تصرخ.. اتركني اتركني اااه
عبد الرحمن : اهدي اهدي خلاص انا معك
.........؟ :اختفى من اول ماصحى عبد الرحمن بس فاتن خايفه اقصد ميته خوف وتبي الامان
فاتن : اهيي اهييي حست بالامان ولتفتت وضمته
عبد الرحمن : ضامها ويربت على ظهرها ويمسح ع شعرها
فاتن : لسه تبكي وبقوووه بعد
عبد الرحمن : بهمس... اشش اهدي انا معك لا تخافي انا معك
الســــاعه 4 صباحا،،،،،،،،،،
بالصاله سمعت صوت صحاها من النوم.. هذا صوت.. بدت ترتجف بالكلام .. هذا صوت ابوها حست طلع من الغرفه ومر بالصاله
........؟ : يلا قومي الغرفه.. وراح الغرفه الثانيه
هبه : قلبها دق بقوووووه هذا صوت ابوي ابعدت الغطا عن وجهها شافت ال تي في مقلوبه القناه وفاضيه بعد
هبه : يالله من قلب القناه يالله ياربي ابعدهم عني ياربي والعرق يتصبب منها من الخوف وقلبها يدق بسرعه ودموعها اربع اربع فجاه حست ان الصاله فيها ناس فيه عند رجولها وفي ع يسارها بس بعيد اربع خطوات كانت خايفه ان يلمسها كانت تحس بحركات وجلست تقرا بقلبها حست لسانها انربط وماتقدر تتكلم والشي الوحيد اللي يتحرك دموعها اللي تنزل وترجع تصب من جديد تصب من عيونها وتنزل على خدها ..يارب يالله انا دايم اسمع ان الشياطين بس يسمعوا الاذان يفروا هاربين يارب ابعدهم عني يارب خله يااذن هالحين
.............؟ : يبغونها تقوم عشان ياخذون راحتهم
هبه : تحس جسمها انشل ماتبي اصلا مو قادره تتحرك من الخوف وقلبها يدق اكثر واكثر لان حست اللي عند رجولها قرب شوي
هبه : حطت يدها على فمها وبكت بقوه وشدة على فمها تكتم صوتها ودموعها انهار وترتجف بقوه .. وفجاه سمعت الله اكبر الله اكبر..
هبه : حست بحركه دليل انه راح بسرعه حست كل شي اختفى اجلست تبكي وتحمد ربها وهي تسمع الاذان وتصغي له..اشهد ان لا اله الا الله اشهد ان لا اله الا الله ..اشهد ان محمد رسول الله اشهد ان محمد رسول الله...حي على الصلاه حي على الصلاه ....حي على الفلاح حي على الفلاح...الصلاة خير من النوم الصلاة خير من النوم...الله اكبر الله اكبر... لا اله الا الله
ســـاعة 8 صباحا،،،،،،
هيا منسدحه ع السرير حست بحد حط يديه الثنتين من عند الا قدام ومسكها بقوه ويجرها
هيا : صرخت طاحت ع ظهرها
.......؟ : مازال ماسكها من رجولها ويجرها ع الارض وهو معصب
هيا : ظهرها المها من السحب وتصرخ بقوه وتبكي اااااه اتركني اهييييييييي موشايفه الا شي اسود شفاف بس بملمسه كانه انسان مثلها وهذا خلاها ترتعب اكثر
.......؟ : بعد ماقطع مسافه وهو ساحبها ع الارض وقف ورمى رجولها بسرعه انحنى عليها وطاح فيها ضرب بقوه
هيا :بس تصرخ وتحاول تحمي وجهها من ضربه وتبكي وصرخت اااااااااااااااااااه
عبد الرحمن :عطاها كف جامد ع وجهها
هيا :افتحت عيونها وانفاسها سريعه وقويه شافت عبد الرحمن وهبه وفاتن بجنبها حطت يدها ع خدها و تناظر عبد الرحمن وكانها تساله ليه تضربني
فاتن :انا سمعتك تصرخين رعبتينا وجينا نركض حاولت اصحيك مسكتك من كتوفك واهز فيك بس عجزت جا عبد الرحمن والحمدلله بعد الكف صحيتي ع طول
هبه: يمه وش كنتي تحلمين فيه
هيا :ع طول تذكرت شكله المخيف وجلست تبكي بدون ماتنطق بكلمه
بالغـــرفه الثانيه،،،،،،،،،،
حنان : صحت شافت شي بغى تجيها جلطه شهقت بقوه هاااااااا ع طول بدت ترتجف..شافت وحده بشكل هبه بس لابسه عبايه سوده ومغطيه وجهها وكانها هبه بس هي عندها خبر ان هبه نايمه بره واذا جات هنا مستحيل تلبس عبايه وهذي شكلها غريب وش عندها واقفه تناظر جنان
حنان : ناظرت جنان شافتها نايمه ماتدري عن شي ورجعت تناظر هذي اللي واقفه قريب عند سرير اختها.. جاتها الشجاعه وفكرت تقوم تصحي اختها عشان تنقذها ويهربون بس هنا المفاجاه
حنان : ارفعت ظهرها عن السرير تبي تقوم الا حست بحد مسكها من يديها ورجع يخليها تنام على ظهرها مره ثانيه ...ااااه...حاولت تحرك يديها وحست بحد مسك رجولها وثبتها حست انها مربطه بالسرير مو قادره تقوم... اااه ااااه جنان ااااه
.......؟ : قربت من جنان وتناظرها بغضب
جنان : نايمه وماتدري عن شي
حنان : حست ان هالكائن غضبان ع اختها بس ليه ليه
حست ان هذي بتاذي اختها وبتاخذ جسدها زي ماخذوا عمها.. حاولت تصارخ عشان تصحي اختها بس حست حد كتمها حط يده ع فمها حاولت تصرخ بس صرخه مكتومه كانها بكماء ماتقدر تتكلم حاولت تحرك يديها وجسمها تحاول ترفعه عن السرير بس ماتقدر
........؟ : قربت مره وتناظر بوجه جنان
حنان : ااااااااه اهي اهييي
انفتح باب الغرفه بقوووة دخل عبد الرحمن بسرعه لان سمع كان حد صوته مكتوم
حنان : شافت البنت اختفت وكل شي اختفى اجلست على السرير وتبكي وتمسك يدها من ناحية المعصم لانها المتها
عبد الرحمن : جلس ع السرير بجنبها وبخوف عليها.. اش فيك؟؟؟
حنان :اهي اهيي ااه وتفرك يدها الثانيه من الالم ودموعها سيل
عبد الرحمن :يناظرها ونشف الدم بعروقه خايف عليها
حنان : يبه قوم شوف جنان انا مافيني شي
عبد الرحمن : التفت ناظر السرير اللي بجهة جنان وفز وكانه تو يذكرها وراح بسرعه ناحيتها وبعد الغطا عنها
جنان : فتحت عيونها بشويش وبتعب
عبد الرحمن : مسكها من كتوفها ورفع ظهرها صارت جالسه ع السرير ووجهها قريب من وجهه
جنان : صحت بس رجعت طاحت ع ورا
عبد الرحمن : مسكها وحط يده ورا ظهرها عشان ماترجع تطيح ع الوساده
جنان : بصوت خفيف .. اااه بابا احس اني تعبانه ودموعها متجمعه بوسط عينها
عبد الرحمن :اش فيك ايش صار
جنان : تذكرت وبدت تبكي
عبد الرحمن : جنان ردي علي
جنان : بصوت مخنوق .. مابي ابي امي .. مابي اجلس هنا
عبد الرحمن : ضاق صدره يوم شاف دموعها ضاقت بها الدنيا .. حسبي الله عليك ياسعد لو ماسمعت كلامك كان هالحين حنا بخير كله بسبب بخلك اللي شف وين وداك ومدري حنا وين بيودينا بعد
جنان : تبكي مثل الاطفال وهي شكلها من اساس ناعم وبريئ جنان ع اسمها .. ابي امي وينها
عبد الرحمن :طيب ياعمري لاتبكين ابوديك لها ويمسح دموعها بيده ويضمها لصدره ويحط يده تحت ركبها ويشيلها
جنان : صارت بين يديه واول ماشفت امها بكت بقوه وهي تقول لها اللي صار
ســـــاعة 1 مساء،،،،،،،
كانوا جالسين كلهم بالصاله ماعدا فاتن وعبد الرحمن جالسين بغرفه لوحدهم انفتح باب الغرفه اطلعت فاتن قربت من عندهم شوي
فاتن :جنان قومي ابوك يبغاك
جنان : ليه وش فيه؟
فاتن : اجلست روحي وتعرفي بنفسك
جنان : حاضر يمه .. راحت ادخلت .. هلا يبه امر
عبد الرحمن : بشوية جديه
ماتعودت عليها جنان لان هو دايم حنون ولطيف معها .. سكري الباب وتعالي ابيك
جنان : بدا قلبها يدق شوي خوف منه المهم انصاعت لاوامره سكرته وقربت منه
عبد الرحمن : شافها بتجلس بعيد ..لا تعالي هنا بجنبي
جنان : وردت خدودها بعد ماجلست بجنبه
عبد الرحمن : كان جالس ومشبك يديه ببعض وصمت وملامح وجهه جامده
جنان : بدت تخاف من هالصمت
عبد الرحمن : التفت عليها وحط عينه بعينها .. جد اللي سمعته؟
جنان : تبلع ريقها معقوله ياماما قلتي له اللي مابيه يعرفه .. خير ان شالله وش سمعت؟
عبد الرحمن : بحده شوي .. وش سوا لك
جنان : تجمعت الدموع بعيونها وماردت عليه
عبد الرحمن : صحيح انه نام بجنبك
جنان : بصوت صغير ومنزله عيونها من الحيا وبتموت من الخوف ..ايه
عبد الرحمن : كيف شكله؟
جنان : مدري بس هو ظل ظل انسان
عبد الرحمن : وش سوا لك
جنان : ............
عبد الرحمن : بعصبيه .. تكلمي ؟
جنان : شوي وتبكي..مادري مادري
عبد الرحمن : كيف ماتدرين هاه؟
جنان : مادري ان بس جا بجنبي مادري وش صار احس اني نمت على طول كانه اغمى علي بس مادري وش صار بعدها مادري ونزلت دموعها
عبد الرحمن : انا بنام عندك وخليه يجي ابن الكلب يا انا ياهو
جنان :خايفه مرره ماتعودت تشوف ابوها او تكلمه وهو معصب ولذلك نزلت دموعها
بالصــــــــــاله 4 مساء،،،،،،،،،،،،
حنان : هبوي انا جوعانه
هبه : حتى انا ودي اكل كل الاكل حتى اللي ماحبه بصير اكله
فاتن : انا نفسي بمندي
هيا : اسكتوا بس لاتشهوني اكثر احس اني راح اموت من الجوع
فجاه سمعوا اصوات غريبه كانه صوت ام وبنتها وفجاه سكتوا وبدا الازعاج
حنان : هاااااااا
فاتن : بعد خافت وش هالصوت
هبه : صوت صحون تطيح ع الارض
هيا: اعوذ بالله من الشيطان الرجيم
جنان : جالسه بعيد عنهم وضامه رجولها لصدرها فجاه شافت وحده ع هيئة انسان من ورا ومن قدام مافي لا وجه ولا يدين ولا رجول ولا اي شي يعني نص جسم كانه مقسوم بطول مختفي من قدام وباين من ورا ارتعبت خافت هالكائن الغريب يرجع وقامت بسرعه وراحت اجلست بجنبهم وكان بجنبها نافذه كبيره بس مقفله حطت يدها ع قلبها من بعد اللي شافته شوي الا كان حد ضرب النافذه اللي بجنبها بيده بس بقوه وكان صوت اقوى مع الصدى والصمت كان لها اثر قوي ع نفوسهم ورعب قاتل
الكل صرخ ااااااااااااااه
جنان : حساسه مره وماعاد تتحمل اكثر جلست تبكي وتبكي
ســــــاعة8 مساء،،،،،،،،،
جنان : شافت واحد ظل انسان طويل مره وعريض شوي مر برا الغرفه
........؟ :كان قصده شوفيني
جنان : لازم اقوي قلبي بروح الحقه هم يبوني انا بس وش يبون مني
حنان : يامجنونه وين بتروحين
جنان : بالحقه قومي معي
حنان : لاماني برايحه
هبه : انا بجي معك
جنان : ماردت ع طول مشت
هبه : الحقتها
جنان : راحت وراه وشافته دخل المطبخ بس انصدمت الباب مسكر وش لون قدر يدخل
هبه : مالحقت تشوف اللي شافته جنان
جنان : سبحان الله
هبه : اش فيك جمدتي وين راح؟
جنان : ناظرتها وكانها استرجعت قوتها وافتحت باب المطبخ وكان ظلمه بس جنان شافته واقف واول الباب شافت هالطول كله تكور ع نفسه لما صغر وصغر وصار كانه قشربالارض واختفى هالقشر..ياسبحان الله ولله في خلقه شؤون
جنان : وقفت مسكت مقبض الباب وترمش بعيونها مو مصدقه مو مستوعبه وتكرر اعوذ بالله اعوذبالله
هبه : مو شجاعه جنان كانت واقفه بعيد عنها وبس شافت الوضع عادي قربت .. وش فيك؟
جنان : تركت المقبض وبعدت عنها مافي شي خلاص تعالي
هبه : شافتها راحت ناظرت المطبخ يمه جنان راحت انا وش يجلسني هنا بعد وراحت تركض تلحقها
س11مســــــاء،،،،،،،،،،،
جنان : انا تعبت ابي انام بس خايفه
حنان :لالاتنامي
هبه : نامي هنا
جنان : بدلع ..له انا تبيني انام ع الارض
فاتن :قومي نامي بالغرفه بس خلي الباب مفتوح
حنان :لاتنامي تحملي
جنان : وش اتحمل الجوع هلكني وبعدين ليكون عندك خبر متى تطلعي من هنا وانا مدري
حنان :لاماعندي بس بعد اللي شفته خلاص مابي انام
جنان : اسكتت واتجهت للغرفه ادخلت وكان النور طافي خلته مثل ماهو عليه وتركت الباب مفتوح كانت الغرفه كلها ظلام والنور يجي بس من فتحت الباب اتجهت لسرير انسدحت وتغطت بالغطا قراءة الاذكار والمعوذات وغمضت عيونها ونامت
:30صباحا،،،،،،،،،،،،
فتح عيونه وانقلب ع جنبه الثاني وشاف فاتن نايمه بجنبه بس بعيد شوي ومعطته ظهرها
عبد الرحمن : غريبه نايمه هذا اللي تقول خلاص مابغى انام
.......؟ :ماردت ولا تحركت من اساس
عبد الرحمن : انتي بس اخذ منك كلام دقايق وترجعين عن قرارك
...؟ : ................
عبد الرحمن :خليني اقوم احسن.. ومن حسن الحظ ان الباب بجهة عبد الرحمن يعني اذا بيطلع مايشوف وجه اذا التفت لجنب
...؟ :...............
بالغرفه كانت غارقه بالنوم تحركت بخفه بس لسه نايمه ع ظهرها حركت رجولها بشويش مددتهم وحست انها لمست شي عند ساقها اليسار كانت لسه مغمضه عيونها والغطا واصل لعند صدرها فتحت عيونها بشويش تناظر وش ذا اللي لمسته شافت واحد جالس عند رجولها ع السرير جهة اليسار وملتفت يناظرها بصمت
جنان:وقتها بعد صارت بحالة صمت وتحس انها مو شايفه زين كل اللي شافته انه انسان اسمر او يمكن لونه صار كذا نتيجه لظلمه بس الاكيد عيونه خضر ووالعه وشعره مجعد وقصير واصل لعند خدوده
جنان : ماقدرت تسوي شي غير انها مسكت الغطا وخبت وجهها ولفت ع جنبها اليمين تبي تبعد شوي عنه صحيح اسلوبها بارد بس من جوا ابدا كان العكس وقلبها بهالحظه كان بيوقف لو انها ماذكرت ربها وبدت تقرا المعوذات بداخل صدرها لانه ماعاد تقدر حتى تبكي بس مجرد دموع تنزل مثل المطر ..اهيي اهييي يارب ساعدني يارب ابعده عني يارب خل حد يجي يساعدني يارب احميني منه اهيي اهييي
بالصـــــــاله،،،،،،،،،،،،
عبد الرحمن :اول مادخل الصاله جمد بمكانه صار بحالة صدمه وعيونه متركزه ع زوجته فاتن وحتى مو قادر يعبر من شدة الصدمه ..ف..وبدا يحرك يديه يحاول يشرح الموقف..انا ا ا فاتن انا مين..وياشر على الغرفه اللي تو طلع منها
فاتن : مستغربه ..حبيبي وش فيك ؟
عبد الرحمن :ناظر الغرفه..انا..ورجع يناظرها..مين كنت اكلم؟
فاتن : ليه من كنت تكلم؟
عبد الرحمن : انتي كنتي نايمه بجنبي
فاتن : بس انا جالسه هنا وماخشيت الغرفه عشان انام
عبد الرحمن :خاف بالبدايه شوي بس الحين فهم ايش الموضوع
فاتن :ايش فيك منت مصدق ..قربت منه ابعد بس خليني اشوف مين كنت تكلم
عبد الرحمن : مسك يدها ..لاخلاص مصدقك خلاص
فاتن :طيب
عبد الرحمن :الا وين جنان
هيا :راحت تنام
عبد الرحمن :بنرفزه..وليه خليتوها تنام لوحدها
فاتن :هي اللي تبي ت
عبد الرحمن : مانتظرها تكمل وانطلق بسرعه للغرفه
دخل...جنان جنان
جنان :بابا ..وتقوم من سريرها
عبد الرحمن :فتح يديه وضمها بحنان
جنان :بابا الله يخليك خلينا نطلع من هنا خلاص ماقدر اجلس اكثر من كذا
عبد الرحمن :مسك بنته وجرها لصاله وكانه ناوي على شي
بالصــــــــــــاله،،،،،،،،،،، ،
الكل متواجد وكانت الساعه 1 تماما
عبد الرحمن :خلاص جهزوا انفسكم راح نطلع من هنا
الكل يناظره وساكت مستغربين من هالقرار وكانه جد واثق من نفسه
هيا : شافت كانه يدور ع شي وناظرت فاتن
فاتن :وش تدور عليه؟
عبد الرحمن :اي شي قوي ابكسر الباب فجاه خذ خشب كبير بيكسر قفل الباب توجه ناحية الا تسكر باب الغرفه اللي فيه سعد اختفى بقووووه
عبد الرحمن :وقف بمكانه
حنان :اصرخت من الخوف وع طول تسكر باب الغرفه الثانيه وع طول الثالثه
جنان : جالسه بالارض جاثيه ع ركبها وساده اذانها بيديها الثنتين وتبكي
.؟ :صوت قريب شوي بس عالي ومخيف ..تبي تطلع من غير وداع
عبد الرحمن : انربط لسانه من هالصوت
هيا :ميته رعب ومع تسكر الابواب حست نفسها بتلاقي نفس مصير زوجها
هبه : الصقت بفاتن وفاتن احتوتها من شدة خوفها بقوووووة
عبد الرحمن : رمى اللي بيده ع الارض ومن دون ماينظره ع طول غمض عيونه وحاول يهدي نفسه عشان يقدر يهدي اللي حواليه ونطق.. اعوذ بالله من الشيطان الرجيم وبدا يقرا اية الكرسي ومن شدة خوفه كان صوته متقطع يروح ويرج
..؟ :هههههههههههههه
الكل هنا بهالحظه بيصاب بصدمه قلبيه وش هذا يسمع القران ويضحك
عبد الرحمن :بدا يرتجف خوف
..؟ :تطمن ماراح اؤذيكم بس ماراح تطلعوا الا لما تعرفوا القصه واكيد انتوا مستغربين ليه انتوا محجوزين عندي
الكل صمت رهيب ولصقوا ببعض وكل مسك يد الثاني يبي يلقى الامان عنده
..؟ :انا كنت راضي تسكنوا في بيتي بس بعد ماستفزني قريبكم اللي هالحين اختفى قررت انتقم
عبد الرحمن : بصوت مرتجف .. بس حنا ماسوينا لك شي
..؟ :بصوت عالي شوي...بس قريبكم سوا
عبد الرحمن :ليه وش سوا
......؟ :باول يوم وصل فيه قريبك كان بغرفه لوحده وانا كنت متمدد ورش علي موويه مثلج وبدون مايقول بسم الله وفوق كذا يضربني بالقارورة ونام ولا كانه سوا شي اهانني وقررت انا وجماعتي الانتقام منكم كلكم مثل مايقولوا الشر يعم والخير يخص وبديت فيه هو بالاول عشان اطفي نار غضبي اللي اشعلها بتكاسله
عبد الرحمن : يعني سعد ماراح يرجع
..؟ :هههههههههههههههههههههه
جنان : حست ان ودها تموت ولا تسمع هالضحكه المخيفه وساده اذانها بيديها الثنتين ودموعها تنزل
.؟ :ماراح يرجع الا باحلامكم .... جنان
جنان :حست قلبها بيطلع من جوا ضلوعها يوم اسمعت اسمها ومسكت يد امها
.؟ :فاكره البسه اللي شفتيها واقفه تناظرك؟؟؟؟
--------------------------------------------------------------------------------
جنان : ميته خوف
.؟ :ينتظر جواب
جنان :ترتجف رعب
.؟ :ردي علي
جنان :اهيييي اهييييييييي
.؟ :خلوها ترد ولا راح تشوفوا شي ماقد شفتوه
فاتن :ردي عليه
جنان : معانده ماتبي الخوف بيقتلها لفكرة انها ترد على جني
.؟ :بدا بظهور ع شكله الحقيقي المخيف بس لسه متخبي ورا الجدار ومن جهه باينه لجنان وهو متعمد هالشي
جنان : شافت ظل شي واقف ورا الجدار بس ظله مرسوم بالارض ...اهيي اهيييي
.؟ :هاااه لسه فاكره
جنان : بصوت خفيف بس تحاول تسترجع قواها ورفعت يدها تمسح دموعها..ايووه\
....؟ :البسه اللي شفتيها هذا انا كنت واقف اناظرك وافكر وانا قلت قبل ماطلع من الغرفه اللي جالس بره مين ماكان هواللي بيكون الضحيه رقم 2 وانتي شفتك بوجهي
جنان :بس انا ماكنت لوحدي بالصاله
.؟ :بس انتي اللي كنتي صاحيه وشفتيني...عبد الرحمن فاكر اللي شفته وانت تصلي
عبد الرحمن :ايه يعني هذاك ماكان خيال
.؟ :لاما كان خيال هذا اكبر واحد فينا وكان جاي ياذيك بس شافك تصلي وراح
عبد الرحمن :ممكن اسالك سؤال؟
.؟ :اسال !
عبد الرحمن :ليه ضحكت وقت سمعت اني اقرا قران ومو اي سورة سورة الكرسي وانا اللي اعرفه
..؟ :تقصد اني اهرب واخاف وتردعني عشان ماذيك
عبد الرحمن :ايه
.؟ :بس انا مسلم وماهرب لما اسمع القران او احترق
عبد الرحمن يناظر اهله وهم يناظرونه
هبه : بخوف يعني بتاذينا
..؟ :لا والله اني اخاف الله ولان اؤذي احد منكم
الكل ارتاح شوي بس لسه الخوف من هالكائن الغريب العجيب
هبه : بعصبيه شوي اجل ليه اخذت ابوي
..؟ :مو انا اللي اخذته
حنان : بدون شعور.. اجل مين؟
؟ فاكرين باللحظه اللي سعد قال انه سمع اصوات بره وطلع من الغرفه وماشاف شي
الكل : ايه
.؟ : هذا حنا كلنا عائله وحده بس فينا مسلمين وفينا كفار بس الاغلب مسلمين وعيال عمي ثلاثه اولادهم اللي مو مسلمين وان شالله الله يعيني عليهم ويسلمون
الكل : ساكت ويستمع له
.؟ :وحنا كنا نتهاوش معهم لانهم يبقون ياذونكم باي طريقه واولهكم سعد لانه ضرب ولد عمي وانا بالبدايه تكلمت باسمه عشان تسمعوا وافهمكم اللي حصل وانا حاولت في ولد عمي انه يسامحه وهو اقتنع شوي بس كبريائه كان يمنعه بس بعد ماتمادى سعد
عبد الرحمن : قاطعه كيف تمادى ؟
..؟ :شفت هالباب القديم اللي بس بحركه يطيح انتو عجزتوا تحركوه او تفتحوه بعد صح
عبد الرحمن:صح بس ليه مانفتح؟
من الخروج من باب التسليه ويبي يدب الخوف بقلبكم بس لما سعد رفس الباب جات الضربه بولد عمي وعصب عليه واصر ان هو ينتقم منه صحيح ان سعد مايدري ان ولد عمي واقف ومحاصره بس بالاولى كان يدري والمفروض يوم انه رمى القاروره يسمي بس للاسف وحنا ماقدرنا نمنعه لانه عنيد واذا بغى شي يسويه عشان كذا انتقم من سعد وماعاد يرجع لكم ابد
هيا : بكت وبكت بقوة وبحرقه
.؟ : بعدها انتوا حاولتوا تدقوا ع الرسيبشن صح
عبد الرحمن : ايه
.؟ :ورد عليك رجال حصل ولا ماحصل
عبد الرحمن : حصل
.؟ : بس ياخوي حبيت اقولك شي هذا المكان مهجور من الاف السنين ماحد دخله الا انتوا
فاتن :اجل مين اللي كلمنا؟
.؟ :اللي رد عليكم وقال انه جاي للمساعده هذا واحد منا مسلم بعد وهو فعلا كان جاي للمساعده وباللحظه اللي انت رجعت تفتح الباب وانفتح لان ولد عمي ماقدر يوقف بوجهك وانت تقرا اية الكرسي عشان كذا الباب انفتح بس باللحظه اللي جبت اهلك رجع يوقف بوجهكم وبكل قوته لانك بطلت تقرا واللي صار مع هيا مو حقيقي هي شافت ولد عمي الثالث بس بصورة سعد وكان قصده يصيبها بالجنون بس اخوي منعه وولد عمي يسمع لكلامه بس من يوم فاتن بدت تقرا اية الكرسي صحيح هو فر بس عصب عليها وقرر ينتقم منها هي بعد لانه كانت بتحرقه واللي كان جاي لمساعدتك ماكان ياذي حد ويحب الخير للكل بس وهو في طريقه لكم مسكوه عيال عمي ومنعوه بالقوه وباللحظه اللي هبه كانت تتفرج على التلفاز مرة جنان بالصاله بس
